‘n Wilde bos bloedrooi hare en honderde sproetjies. Groen oe wat tot in jou murg kyk. Ongetem, uitdagend. Dit is Lyla, kind van die Sabbatsee.
Wanneer sy nie agter haar boktrop is nie, versorg sy haar sterwende stiefpa, Stefus Serdyn. En in haar vormlose rok staan sy regop en onversetlik voor ryk Jack Zwiegelaar, die magtigste man op Nonniesbaai, ‘n woekeraar wat hul ongerepte stukkie strandgrond wil opkoop om sy visfabriek uit te brei.
Maar die Sabbatstrand is nie te koop nie. As Stefus sterf, is dit Lyla se enigste tuiste. Haar erfenis, wat sy verdedig met ‘n woede wat skoon brand, soos vuur…..
