Josie Dalton se hart klop in haar keel toe sy die indrukwekkende dakwoonstel van die gedugte Russiese prins Kasimir Xendzov nader. Sy het ingestem om met hom te trou sodat sy haar suster kan red. Die ysige glinstering in Kasimir se onverskrokke blik is egter ‘n onverbiddelike waarskuwing dat hy nie ‘n man is wat ‘n mens sommer ligtelik aandurf nie.
Die laaste stukkie van die legkaart het in plek geval. Kasimir se oomblik van wraak het aangebreek. Die sjampanje is op ys, sy nuwe vrou wag vir hom in die slaapkamer – en ‘n oorwinning was nog nooit so bevredigend nie. Maar Josie se onskuld en kuisheid is ‘n strawwe toets vir die een ding wat Kasimir nie geweet het hy besit nie – eergevoel.
