Ma skeur ‘n boks visvingers oop en strooi die inhoud in die pan. “Ek het sulke high hopes vir jou gehad. As daar nou een kind was van wie mens high hopes kon hê, was dit jy. En nou’t jy alles opgemors.” “Sorry.” Met meer gevoel, hierdie keer. Dis waar. Wat kan ek sê? Die Rise and Fall van Guinevere Sylvia van der Merwe.
Dis Desember aan die einde van Sylvia se graad 11-jaar, maar sy weet nie waar sy haar matriekjaar gaan doen nie. En van haar toekomsdrome is niks oor nie. Minstens is alles nie net sleg nie – haar hunk van ‘n boyfriend is nog net so smoorverlief op haar, en die dienswerk by die ouetehuis is darem nie te sleg nie, al dring suster Pretorius daarop aan om haar Guinevere te noem.
