Verbeel jou dis somer

Die karakters in hierdie nuwe bundel van De Vries is gewone mense: bouers, polisie, boere, ‘n straatveër, ‘n sirkusnar. Die verhale beeld die misterie en verstrengelheid uit van ontheemding en tuiskoms, van drome en verval binne die ruwe werklikhede van ons Suid-Afrikaanse bestaan. Dis wat die leser bybly: stemme wat vertel van ‘n onbegrypbare gebrek aan mededoë, van verlies en misbruik. Maar ook van liefde en verbeelding en skoonheid in ‘n seisoen van twyfel.