Marjorie weet Lourens Fouche het nie juis ‘n hoe dunk van haar nie. Sien sy nie dikwels die afkeer in die stil, toegewyde kardioloog se oe nie? Hy glo klaarblyklik sy is daarop uit om mans met haar uitdagende kleredrag uit te lok.
Maar daaraan steur Marjorie haar min. Sy is lief vir mooi aantrek, klein toppies, naeltjiering en al. Totdat sy op ‘n dag besef dat sy die man liefhet…Maar dis te laat om sy mening oor haar te verander. Buitendien het hy haar stemmige vriendin, Lalie, gekies.
Moet die mooie suster Marjorie Beukes maar daarmee vrede maak dat haar liefde waarskynlik vergeefs is?
