Die plek is vol gediertes. Yslike perde, luislange, en natuurlik die boer. En op haar ontwerpersandale moet Lisa leer om als te hanteer.
Was dit nie vir die ongeskikte boer nie, het haar stadslyf dalk tou opgegooi, maar sy sarkasme en mislikheid vuur haar aan om alles uit te haal. Al gril sy ook hoe.
Wat haar oom besiel het om die wildplaas op al sy voorwaardes aan haar te bemaak, weet sy nie. Ben Rossouw ook nie. Maar dis juis sy onbeskoftheid wat haar die hondlelike trapskoene laat aanskaf, die rooigrond laat aandurf, en sy leer sommer ook skiet.
Niemand het al ooit aan haar ‘n uitdaging gestel wat sy nie stormloop nie.
