Hier is nou waarlik ‘n heerlike boek propvol idees vir geskenke wat tuis gemaak kan word. Dit gebeur dikwels dat ‘n mens iemand na aan jou ‘n baie spesiale geskenk wil gee. Nie iets wat in ‘n winkel gekoop is nie, want dit se nie werklik wat jy voel nie. Die antwoord is om dit self te maak, en hierdie boek wys hoe. Daar is geskenke uit die kombuis, geskenke uit die tuin, geskenke met naald en garing, geskenke met kwas en verf.
Hoe om elke geskenk te maak, word noukeurig stap vir stap verduidelik deur middel van helder verduidelikende teks en lyntekeninge, en die resultaat is feitlik gewaarborg.
