Met verbeeldingryke handwerkartikels kan mens sonder te veel koste of moeite ‘n eie atmosfeer aan jou woonplek gee.
In hierdie eg Suid-Afrikaanse gids is daar ‘n wye verskeidenheid van spesiaal ontwerpte artikels wat sal pas in elke huis. Altesame 67 projekte word kamer vir kamer aangebied en daar word treffend geillustreer hoe jy kleur en ontwerp kan inspan om verskillende effekte te verkry. Met volledige patrone en stap-vir-stap instruksies het jy slegs ‘n tikkie verbeelding nodig om self te begin skep en versier!
